Publisert
16.November.2015
Svak nedgang i lastebilkostnadene
Totalkostnadsindeksen for lastebiltransport gjekk ned 0,1 prosent frå september til oktober 2015. Dei siste tolv månadene gjekk dei totale kostnadene opp 0,5 prosent, skriver SSB.
Kapitalkostnadsindeksen gjekk ned 0,9 prosent den siste månaden. Frå oktober 2014 til oktober 2015 gjekk kapitalindeksen ned med 1,5 prosent, rapporterer SSB.
Høgare reparasjons- og servicekostnader
Delindeksen for reparasjons- og servicekostnader auka med 0,6 prosent frå september til oktober 2015. Dei siste tolv månadene gjekk reparasjons- og servicekostnadene opp 3,5 prosent.
Auka administrasjonskostnader
Administrasjonskostnadene gjekk opp 0,3 prosent den siste månaden. Frå oktober 2014 til oktober 2015 gjekk denne delindeksen opp med 2,4 prosent.
Nedgang i ferje- og bomkostnadene
Ferje- og bomkostnadene gjekk ned 0,2 prosent den siste månaden. Dei siste tolv månadene steig ferje- og bomkostnadene med 2,6 prosent.
Liten nedgang i dieselprisen
Prisutviklinga på diesel førte til at drivstoffindeksen gjekk ned med 0,1 prosent frå september til oktober 2015. Dei siste tolv månadene gjekk drivstoffindeksen ned 6,0 prosent.